له عزیزي بانک سره د بې څانګې بانکوالۍ هوکړه لاسلیک شوه!

haroon.abadi
پنجشنبه ۱۳۹۹/۹/۱۳ - ۹:۳۳
.

افغان پُست شرکت نن چهارشنبه، د لېندۍ میاشتې ۱۲ نېټه، د یو لړ مراسمو په تر څ کې د بانکي خدمتونو پراختیا او بې څانکې بانکولۍ په برخه کې، لومړنۍ هوکړه له عزیزي بانک سره لاسلیک کړه.

په دې تړاو جوړو شویو مراسمو کې، د افغان پُست شرکت لوی رییس ښاغلي احمد وحید ویس، د دغه شرکت تخنیکي مرستیال ښاغلي عبدالهادي ذهین، د عزیزي بانک اجراییوی رییس ښاغلی محمد سالم امید، د افغانستان بانکونو ټولنې اجراییوي رییس ښاغلي نجیب الله امیري، د نړیوالې سوداګرۍ مرکز رییس عبدالقدیر بهمن او د خصوصي سکټور یو شمېر مسوولینو ګډون کړی وو.

په مراسمو کې د افغان پُست شرکت لوی رییس ښاغلي احمد وحید ویس وویل: «افغان پُست د ولسمشر محمد اشرف غني د ۲۸۲۸ حکم پر اساس، شرکت ته د خپل حقوقي حیثیت لوړېدو په درشل کې د عامه خدمتونو په برخه کې له دې وروسته هېوادوالو ته د هېواد په کچه له 463 پُست خونو څخه بانکي خدمتونه هم وړاندي کوي.»

ښاغلي ویس، د افغان پُست شرکت له تېرو پام وړ لاسته راوړنو او چټک پرمختګ څخه د یادونې تر څنګ زیاته کړه، چې د دغې هوکړې له مخې به په هېواد کې د افغان پُست پر مټ له بېساري لګښتونو پرته بانکي خدمتونه ټولشموله او په لرې پرتو سیمو کې د لاسرسي وړ شي.

په غونډه کې د عزیزي بانک اجراییوي رییس ښاغلی سالم امید، د افغان پُست له وروستیو طرحو، نوښتونو او رغنده خوځښت څخه د ستاینې تر څنګ وویل، چې د راتلونکو دریو میاشتو په موده کې به عزیزي بانک د افغان پُست شرکت له برکته له ښارونو څخه ولسوالیو ته هم بانکي خدمتونه پراخ او د لاسرسي وړ کړي.

په دغه مراسمو کې د بانکونو ټولنې اجرایوي رییس ښاغلي نجیب الله امیري، تر دې دمه په هېواد کې بانکي خدمتونو ته د ۱۲٪ سلنه وګړو لاسرسی د اندېښنې وړ حالت وباله او زیاته یې کړه، چې له افغان پُست شرکت سره د افغانستان بانک او دغې ټولنې د درې اړخیزې هوکړې پر مټ د بانکي چوپړونو پراختیا په برخه کې تاریخي بدلون ته لاره پرانیستل شوه.

د نوموړي په وینا، نور بانکونه هم باید د عزیزي بانک په څېر ژر تر ژره په هېواد کې د بانکي خدمتونو پراختیا، پر بانکي سیسټم د خلکو باور او ټولشموله بانکولۍ وړاندې کولو په موخه له دغې لړۍ سره یو ځای شي.

د مراسمو په پای کې د نړیوالې سوداګرۍ مرکز رییس ښاغلي حجت فضلی، په افغانستان کې د خصوصي سکټور پانګونې له پراختیا څخه د ستاینې تر څنګ زیاته کړه، د خوښئ ځای دی چې د افغان پُست باور وړ پُستي شرکت په مرسته په لري پرتو سیمو کې میشتو مامورینو، ښوونکو، سرتېرو او عام ولس ته د بانکي اسانتیاوو زمینه برابریږي.

د یادوني وړ ده، چې د بې څانګې بانکولۍ طرحې له مخې به افغان پست شرکت د هیواد په ټولو ولایتونو او ولسوالیو کې د خپلو پست خونو له لارې د هوکړې پر اساس د بانکونو نماینده په توګه بانکي خدمتونه وړاندې کوي.

تازه خبرونه

پنجشنبه ۱۳۹۹/۱۱/۲ - ۱۲:۳۰
Background image

د هېواد له جلالتمآب ولسمشر سره د ښاغلي احمد وحید ویس لیدنه!

د افغان پُست شرکت لوی رئیس احمد وحید ویس، په ارګ کې د افغانستان اسلامي جمهوریت له ولسمشر، جلالتمآب محمد اشرف غني سره وکتل.

په دغه کتنه کې ښاغلي ویس، د افغان پُست شرکت د تېرو لاسته. . .

سه‌شنبه ۱۳۹۹/۱۰/۳۰ - ۹:۲۵
Background image

د افغانستان اسلامي جمهوریت د جمهوررئیس محمد اشرف غني په مشرۍ د اقتصادي عالي شورا غونډه نن له غرمې مخکې په ګلخانې ماڼۍ کې جوړه شوه.

د اقتصادي عالي شورا غونډې ته د افغان پُست دولتي شرکت رئیس ښاغلي احمد وحید ویس د دغه شرکت د عصري کولو او دیجیټلي تحول په اړه، معلومات وړاندې کړل.

هغه وویل، د افغان پُست شرکت په ټول. . .

سه‌شنبه ۱۳۹۹/۱۰/۳۰ - ۹:۲۳
Background image

د (تیتسو ناکامورا بشرپاله چوپړونو په ویاړ) پُستي ټکټ د پرانیستې غونډه!

د افغان پُست شرکت له خوا (د تیتسو ناکامورا بشرپاله چوپړونو په ویاړ) چاپ شوی پُستي ټکټ، د ارګ په چهار چنار ماڼۍ کې د چارو ادارې لوی رئیس ښاغلي فضل محمود فضلي، د افغان پُست شرکت لوی رئیس. . .

بیرته تګ