له عزیزي بانک سره د بې څانګې بانکوالۍ هوکړه لاسلیک شوه!

haroon.abadi
پنجشنبه ۱۳۹۹/۹/۱۳ - ۹:۳۳
.

افغان پُست شرکت نن چهارشنبه، د لېندۍ میاشتې ۱۲ نېټه، د یو لړ مراسمو په تر څ کې د بانکي خدمتونو پراختیا او بې څانکې بانکولۍ په برخه کې، لومړنۍ هوکړه له عزیزي بانک سره لاسلیک کړه.

په دې تړاو جوړو شویو مراسمو کې، د افغان پُست شرکت لوی رییس ښاغلي احمد وحید ویس، د دغه شرکت تخنیکي مرستیال ښاغلي عبدالهادي ذهین، د عزیزي بانک اجراییوی رییس ښاغلی محمد سالم امید، د افغانستان بانکونو ټولنې اجراییوي رییس ښاغلي نجیب الله امیري، د نړیوالې سوداګرۍ مرکز رییس عبدالقدیر بهمن او د خصوصي سکټور یو شمېر مسوولینو ګډون کړی وو.

په مراسمو کې د افغان پُست شرکت لوی رییس ښاغلي احمد وحید ویس وویل: «افغان پُست د ولسمشر محمد اشرف غني د ۲۸۲۸ حکم پر اساس، شرکت ته د خپل حقوقي حیثیت لوړېدو په درشل کې د عامه خدمتونو په برخه کې له دې وروسته هېوادوالو ته د هېواد په کچه له 463 پُست خونو څخه بانکي خدمتونه هم وړاندي کوي.»

ښاغلي ویس، د افغان پُست شرکت له تېرو پام وړ لاسته راوړنو او چټک پرمختګ څخه د یادونې تر څنګ زیاته کړه، چې د دغې هوکړې له مخې به په هېواد کې د افغان پُست پر مټ له بېساري لګښتونو پرته بانکي خدمتونه ټولشموله او په لرې پرتو سیمو کې د لاسرسي وړ شي.

په غونډه کې د عزیزي بانک اجراییوي رییس ښاغلی سالم امید، د افغان پُست له وروستیو طرحو، نوښتونو او رغنده خوځښت څخه د ستاینې تر څنګ وویل، چې د راتلونکو دریو میاشتو په موده کې به عزیزي بانک د افغان پُست شرکت له برکته له ښارونو څخه ولسوالیو ته هم بانکي خدمتونه پراخ او د لاسرسي وړ کړي.

په دغه مراسمو کې د بانکونو ټولنې اجرایوي رییس ښاغلي نجیب الله امیري، تر دې دمه په هېواد کې بانکي خدمتونو ته د ۱۲٪ سلنه وګړو لاسرسی د اندېښنې وړ حالت وباله او زیاته یې کړه، چې له افغان پُست شرکت سره د افغانستان بانک او دغې ټولنې د درې اړخیزې هوکړې پر مټ د بانکي چوپړونو پراختیا په برخه کې تاریخي بدلون ته لاره پرانیستل شوه.

د نوموړي په وینا، نور بانکونه هم باید د عزیزي بانک په څېر ژر تر ژره په هېواد کې د بانکي خدمتونو پراختیا، پر بانکي سیسټم د خلکو باور او ټولشموله بانکولۍ وړاندې کولو په موخه له دغې لړۍ سره یو ځای شي.

د مراسمو په پای کې د نړیوالې سوداګرۍ مرکز رییس ښاغلي حجت فضلی، په افغانستان کې د خصوصي سکټور پانګونې له پراختیا څخه د ستاینې تر څنګ زیاته کړه، د خوښئ ځای دی چې د افغان پُست باور وړ پُستي شرکت په مرسته په لري پرتو سیمو کې میشتو مامورینو، ښوونکو، سرتېرو او عام ولس ته د بانکي اسانتیاوو زمینه برابریږي.

د یادوني وړ ده، چې د بې څانګې بانکولۍ طرحې له مخې به افغان پست شرکت د هیواد په ټولو ولایتونو او ولسوالیو کې د خپلو پست خونو له لارې د هوکړې پر اساس د بانکونو نماینده په توګه بانکي خدمتونه وړاندې کوي.

تازه ترین اخبار

پنجشنبه ۱۳۹۹/۱۲/۷ - ۹:۳۰
Background image

دیدار محترم احمد وحید ویس با معین مالی و اداری وزارت دولت در امور رسیدگی به حوادث!

محترم احمد وحید ویس، رئیس عمومی شرکت افغان پُست، طی یک نشستی با مطیع الله صافی معین مالی و اداری وزارت دولت در امور رسیدگی به حوادث دیدار و گفتگو کرد. در این دیدارآقای ویس در مورد. . .

شنبه ۱۳۹۹/۱۲/۲ - ۱۰:۱۹
Background image

دیدار محترم احمد وحید ویس با رئیس تجارتی شرکت افغان بیسیم!

محترم احمد وحید ویس، رئیس عمومی شرکت افغان پُست، با محترم بالاجی شرینواس، رئیس تجارتی شرکت افغان بیسم و هیئت همراهش دیدار و گفتگو کرد.

در این دیدار محترم ویس ضمن اشاره به پلان ها و دست. . .

دوشنبه ۱۳۹۹/۱۱/۲۷ - ۱۴:۴۸
Background image

امضای تفاهمنامۀ همکاری های دوجانبه میان افغان پُست و شرکت هنرسالار (ArtLords)!

این تفاهمنامه به منظور توسعۀ همکاری های دو جانبه میان محترم احمد وحید ویس، رئیس عمومی شرکت افغان پُست و محترم رازق مهرپور، نمایندۀ شرکت هُنری "آرت لاردز" به امضأ رسید.

آقای ویس، تعهد. . .

بازگشت به خبر