د افغانستان د خونو فدراسیون له رییس سره د ښاغلي احمد وحید ویس لیدنه!
د افغان پُست شرکت لوی رییس، ښاغلي احمد وحید ویس، د دوه اړخیزو همکاریو پراختیا په موخه د سوداګرۍ خونو فدراسیون له رییس، ښاغلي محمد اسماعیل غضنفر سره وکتل.
په دغه کتنه کې ښاغلي ویس، د افغان پُست شرکت کارګو خدمتونو له لارې له دغه فدراسیون سره د هر اړخیزې همکارۍ ژمنه وکړه.
په ناسته کې ښاغلي غضنفر، د افغان پُست شرکت له مخ پر ودې خدمتونو څخه د ستاینې تر څنګ، له دغه کمیسیون سره د کارګو لېږد په برخه کې د افغان پُست شرکت له همکارۍ قدردانی وکړه او زیاته یې کړه؛ چې د خدمتونو لا اغېزمنتیا په موخه به د دغه کمیسیون غړي سوداګر افغان پُست شرکت ته ور وپېژني.
