ښاغلي احمد وحید ویس د مالیې وزارت د غیر مالیاتي عوایدو له رییس سره وکتل!
د افغان پُست شرکت لوی رییس، ښاغلي احمد وحید ویس او د دغه شرکت تخنیکي او عملیاتي مرستیال ښاغلي عبدالهادی ذهین، د افغان پُست شرکت د مالي وضعیت ارزونې او دوه اړخیزو همکاریو پراختیا په موخه، د مالیې وزارت د غیر مالیاتي عوایدو له رییس ښاغلي امان الله امین سره وکتل.
په دغه کتنه کې ښاغلي ویس، د افغان پُست شرکت پر واړندې پخوانیو ننګونو د هوارولو په برخه کې، د مالیې وزارت او نورو اړوندو بنسټونو له ملاتړ څخه د مننې تر څنګ، د دغه شرکت د مالي وضعیت او پر ځان بساینې پر تازه تګلارو خبرې وکړې.
په ناسته کې ښاغلي امین، د افغان پُست له وروستیو پرمختګونو او چټکې ودې څخه د ستاینې تر څنګ، خصوصي شرکتونو، سوداګرو او نورو هېوادوالو ته د مالیې وزارت اړوندو جوازونو د وېش په برخه کې د افغان پُست ملاتړ وغوښت.
