د افغان پُست شرکت او د افغان ملی بانک ترمنځ د همکاریو هوکړه لیک لاسلیک شو
د افغان پُست شرکت لوی رئیس ښاغلي احمد وحید ویس او د افغان ملی بانک د عامل پلاوي رئیس ښاغلي عبدالعزیر بابکرخیل د دواړو ادارو ترمنځ د همکاریو هوکړه لیک لاسلیک کړو. د دغه هوکړه لیک پر بنسټ به د افغان ملی بانک د افغان پُست شرکت اړوند د عواید د راټولو او د پُسته خانو له لاری د بانکي خدمتونو د چمتو کولو په برخه کې به لازمې اسانتیاوې رامنځته کړی. ښاغلي ویس وویل د پُسته خانو له لاری د بانکي خدمتونو په چمتو کولو سره به هیوادوال وکولی شي پراخه بانکي خدمتونو ته لاسرسی پیدا کړی. ښاغلی بابکرخیل د افغان پُست د خدمتونو څخه ښوښی وښوده او د لا ډیرو همکاریو ډاډ یې ورکړ.
