د پُست نړیوالې ورځې په لمانځغونډه کې د افغان پُست شرکت لوی رییس ګډون

haroon.abadi
شنبه ۱۳۹۹/۷/۲۶ - ۸:۵۸
post

نن پنجشنه د روان لمریز کال تلې میاشتې ۲۴ نېټه، په کابل پوهنتون کې د افغان پُست شرکت لوی رییس ښاغلي احمد وحید ویس او بېلابېلو ادارو د مشرانو په ګډون د پُست نړیواله ورځ ولمانځل شوه.

په غونډه کې د افغان پُست شرکت لوی رییس ښاغلي احمد وحید ویس، د پُست نړیواله ورځ د دغه ډګر اتلو او مېړنیو کارکونکو د ستاینې او قدردانۍ یو ښه فرصت وباله او زیاته یې کړه، دغه شرکت روان کال د خپل کاري ټیم نه ستړې کېدونکو هلو ځلو او افغان حکومت د مشرتابه په ملاتړ پام وړ لاسته راوړنې لري.

ښاغلي ویس، د ولسمشرۍ ماڼۍ د (۲۸۲۸) حکم پر اساس، شرکت ته د افغان پُست حقوقي حیثیت لوړېدل، د انلاین سوداګرۍ له پاره بزنس پلان جوړېدل، د تحصیلي اسنادو د تایید خدمتونه، افغان پُست له لارې د شاوخوا دوه لکه برېښنایي پېژندپاڼو وېش، د نړۍ په هره څنډه کې افغان مېشتو ته د پُست له لارې د پاسپورټونو رسول، د افغان پُست ځانګړو (کور په کور) خدمتونو برخې فعالول، په هېواد کې د بانکي خدمتونو پراختیا په موخه له افغانستان بانک او د افغانستان بانکونو له ټولنې سره درې اړخیزه هوکړه، د شاوخوا ۳۷ ولایتي او ښاري پُست خونو عصري کېدل او له مرکز سره د هغوئ نښلول، د پُست تعقیب او څارنې سیسټم فعالول او ځینې نور مسایل د افغان پُست شرکت کلنۍ لاسته راوړنې یادې کړې.

په غونډه کې د اترا ادارې لوی رییس ښاغلي عمر منصور انصاري هم د افغان پُست شرکت له پرمختګو او لاسته راوړنو د ستاینې تر څنګ زیاته کړه، د پُست نړیوالې ورځې لمانځل د خلکو پر ژوند د دې خدمتونو اغېز او ارزښت بیانوي.

د نوموړي په وینا، دا ورځ د پُستي خدمتونو ستاینې او خلکو ته د تازه خدمتونو ور پېژندلو یو ښه چانس دی.

تازه خبرونه

دوشنبه ۱۴۰۴/۲/۸ - ۱۴:۴۵
Background image

۱۴۰۴ هـ ل کال، ثـور میـاشـتې ۸ مه نېټه، کابل! د افغان پُست امارتي شرکت اداري ناسته ترسره شوه:

یاده ناسته، د افغان پُست امارتي شرکت د لوی ریـس ښاغلي الحاج مولوي رحمت الله مکي په مشرۍ، د شرکت مرستیالانو، څانګو رییسانو او آمرینو په ګډون تر سره شوه، ناسته د قرآن عظیم الشان د څو. . .

دوشنبه ۱۴۰۳/۱۲/۲۰ - ۱۵:۹
Background image

۱۴۰۳ هـ ل کال، حوت میاشتې ۲۰ مه نېټه، کابل! د افغان پُست امارتي شرکت اداري ناسته ترسره شوه:

یاده ناسته، د افغان پُست امارتي شرکت د لوی ریس ښاغلي الحاج مولوي رحمت الله مکي په مشرۍ، د شرکت مرستیالانو، څانګو رییسانو او آمرینو په ګډون تر سره شوه، ناسته د قرآن عظیم الشان د څو. . .

سه‌شنبه ۱۴۰۳/۱۲/۷ - ۱۳:۱۷
Background image

د کاري ظرفیت لوړونې په موخه، د ۱۵ ولایتونو کارکوونکو ته دوه ورځنی سیمینار پیل شو!

افغان پُست امارتي شرکت د سیمینارونو په لړ کې دا ځل د ۱۵ ولایتونو کارکوونکو ته د بازار موندنې، پېریدونکو خدماتو او د نړیوالو کارګو خدمتونو په برخه کې دوه ورځنی سیمینار پیل کړ.

بیرته تګ