د افغان پُست امارتي شرکت، لخوا د کابل ښاري پُست خونو مدیرانو ته یو ورځنۍ سیمینار تر سره شو.
یاد سیمنیار په کابل ښاري پُست خونو کې د شته ستونزو د هوارولو او د یادو پُست خونو د مدیرانو د کاري ظرفیت لوړولو په موخه په لار اچول شوی وو، د سیمینار په پیل کې د یاد شرکت لوی رئیس ښاغلي مولوي رحمت الله مکي او د شرکت عملیاتي او تجارتي مرستیال ښاغلي انجنیر حامد ناصري په خپلو ویناوو کې د ښاري پُست خونو مدیران و هڅول تر څو خپلو دندو او مسؤلیتونو ته ځانګړې پاملرنه وکړي او د پُست خونو مراجعینو ته په لوړ کیفیت سره خدمتونه وړاندې کړي.
د سیمینار په دویمه برخه کې د پُست خونو مدیرانو ته د ځانکړو پریزنټیشنونو په ترڅ کې په عملیاتي او ادارې برخو کې اړيني لارښوونې او معلومات ورکړل شول.
