د افغان بیسیم شرکت له تجارتي رییس سره د ښاغلي احمد وحید ویس لیدنه!

haroon.abadi
شنبه ۱۳۹۹/۱۲/۲ - ۱۰:۲۱
.

د افغان پُست شرکت لوی رییس ښاغلي احمد وحید ویس، د دوه اړخیزو همکاریو پراختیا په موخه، د افغان بیسیم شرکت له تجارتي رییس ښاغلی بالاجی شرینواس او ورسره پلاوې سره وکتل.

په دغه کتنه کې ښاغلي ویس، د افغان پُست شرکت اوږدمهاله پلانونو او وروستیو پرمختګونو ته د اشارې تر څنګ زیاته کړه، د افغان پُست شرکت د ګټو پر اساس له بیات ګروپ او په ځانګړې توګه افغان بیسیم شرکت سره د هر اړخیزې همکارۍ له پاره چمتو دی.

د ښاغلي ویس په وینا، د هېواد په کچه ټولو ولایتونو او ولسوالیو پُست خونو کې د افغان بیسیم څانګو ته د مناسب ځای ورکولو تر څنګ د کارګو او بیات ګروپ سوداګریزو توکو د لېږد رالېږد په برخو کې مرسته کولای شي.

ښاغلي ویس همدا راز زیاته کړه، پلان لري د افغان پُست خدمتونو پراختیا په موخه د لویو ښارونو په ګڼ مېشته سیمو کې خپل خدمتونه، سیاحتي مرکزونو او سوپر مارکیټونو ته هم پراخ کړي او له افغان بیسیم شرکت څخه یې هم د مناسب ځای ورکړې په برخه کې د همکارۍ غوښتنه وکړه.

په دغه ناسته کې د افغان بیسیم مخابراتی شرکت تجارتي رییس، د افغان پُست له هر اړخیزو پلانونو څخه د ستاینې تر څنګ زیاته کړه، چې بیات ګروپ او په ځانګړې ډول افغان بیسیم شرکت لېوالتیا لري د یوه تړون پر اساس د دوه اړخیزو همکاریو له پاره بستر پرانیزي.

د نوموړي په وینا بیات ګروپ او په ځانګړي ډول افغان بیسیم شرکت د هېواد په کچه ټکنالوژۍ پراختیا په برخه کې مخکښ بنسټ دی او کولای شي له افغان پُست شرکت سره، د هېواد په کچه پُست خونو ته د فایبر له لاې چټک انټرنیټ ته د لاسرسي، لري پرتو سیمو کې د پُستي خدمتونو ډيجټلي کېدو، موبایل مني او د افغان بیسیم مرکزونو کې د پُستي خدمتونو وړاندې کولو زمینې برابرې کړي.

دواړو لوریو په نیږدې راتلونکې کې، د اوږدمهاله همکاریو په موخه د دوه اړخیز تړون پر لاسلیکولو هوکړه وکړه.

تازه خبرونه

دوشنبه ۱۴۰۰/۱/۳۰ - ۸:۵۵
Background image

د افغان پُست جومات پرانیسته!

په داسې حال کې، چې د افغان پُست شرکت ودانیزې چارې لا هم دوام لري، د روژې مبارکې میاشتې په مناسبت، د دغه شرکت تازه جوړ شوی جومات د احمد وحید ویس له خوا د جماعت لمانځه له ادا کولو وروسته. . .

چهارشنبه ۱۴۰۰/۱/۱۸ - ۲۳:۲۱
Background image

افغان پوسټ د کارګو چوپړتیاوو د رامنځته کولو په موخه پنځه اړخیز هوکړه لیک لاسلیک کړ؛

نن چهار شنبه، ۱۴۰۰ د وري ۱۸مه، د کارګو چوپړتیاوو رامنځته کولو په موخه د افغان پوسټ دولتي شرکت، سوداګرۍ وزارت، د ملکي هوانوردۍ ادارې، د افغانستان د سوداګرۍ او پانګونې خونې او د افغانستان. . .

دوشنبه ۱۴۰۰/۱/۱۶ - ۸:۵۶
Background image

افغان پوسټ د عامه خدمتونو آنلاین پورټال پرانیست!

نن یکشنبه، افغان پوسټ دولتي شرکت د یوې غونډې په ترڅ کې د عامه خدمتونو لپاره یو آنلاین پورټال پرانیست، چې تر دې وروسته به ټول اړوند عامه خدمتونه د یاد پورټال له لارې وړاندې کېږي.

د دغه. . .

بیرته تګ