د کابل په مرکزي پُست خونه کې د افغان ملي بانک د څانګې پرانیسته!

haroon.abadi
دوشنبه ۱۳۹۹/۱۱/۱۳ - ۹:۱۳
.

د افغان پُست شرکت لوی رییس ښاغلي احمد وحید ویس، د افغان ملي بانک عامل رییس ښاغلي عبدالعزیز بابکرخېل او دواړو لوریو د مشرتابه پلاوې په ګډون، د کابل ښار په مرکزي پُست خونه کې د افغان ملي بانک نوې څانګه پرانیستله.

د پرانیستې په مراسمو کې ښاغلي احمد وحید ویس، دا چاره د افغان پُست شرکت پېرودونکو ته د اسانتیاوو رامنځته کولو، اداري فساد د مخنیوي، د تعرفو ورکړې لړۍ د چټکتیا او نورو اسانتیاوو رامنځته کولو په برخه کې اغېزمن ګام وباله او زیاته یې کړه، چې له دې وروسته د افغان پُست له خدمتونو څخه ګټه اخیستونکې کسان کولای شي، د وخت له ضایع کولو پرته پُستي اجوره د افغان پُست مرکزي څانګې د ننه د افغان ملي بانک له لارې تحویل کړي.

ښاغلي ویس همدا راز، د افغانستان په کچه ټولو پُست خونو ته د بانکي څانګو له پراختیا خبر ورکړ.

د مراسمو په لړ کې ښاغلي بابکرخېل هېوادوالو ته د اسانتیاوو رامنځته کولو په موخه د افغان پُست شرکت له هڅو او وروستیو پرمختګونو څخه د ستاینې تر څنګ، په مرکزي پُست خونه کې د افغان ملي بانک څانګې ته د ځای او نورو امکاناتو ورکړې له امله مننه وکړه.

نوموړي همداراز، د افغان پُست نورو څانګو ته د افغان ملي بانک نمایندګیو د پراختیا په تړاو خبري وکړې.

تازه خبرونه

دوشنبه ۱۴۰۰/۱/۳۰ - ۸:۵۵
Background image

د افغان پُست جومات پرانیسته!

په داسې حال کې، چې د افغان پُست شرکت ودانیزې چارې لا هم دوام لري، د روژې مبارکې میاشتې په مناسبت، د دغه شرکت تازه جوړ شوی جومات د احمد وحید ویس له خوا د جماعت لمانځه له ادا کولو وروسته. . .

چهارشنبه ۱۴۰۰/۱/۱۸ - ۲۳:۲۱
Background image

افغان پوسټ د کارګو چوپړتیاوو د رامنځته کولو په موخه پنځه اړخیز هوکړه لیک لاسلیک کړ؛

نن چهار شنبه، ۱۴۰۰ د وري ۱۸مه، د کارګو چوپړتیاوو رامنځته کولو په موخه د افغان پوسټ دولتي شرکت، سوداګرۍ وزارت، د ملکي هوانوردۍ ادارې، د افغانستان د سوداګرۍ او پانګونې خونې او د افغانستان. . .

دوشنبه ۱۴۰۰/۱/۱۶ - ۸:۵۶
Background image

افغان پوسټ د عامه خدمتونو آنلاین پورټال پرانیست!

نن یکشنبه، افغان پوسټ دولتي شرکت د یوې غونډې په ترڅ کې د عامه خدمتونو لپاره یو آنلاین پورټال پرانیست، چې تر دې وروسته به ټول اړوند عامه خدمتونه د یاد پورټال له لارې وړاندې کېږي.

د دغه. . .

بیرته تګ