د افغان پُست جومات پرانیسته!
په داسې حال کې، چې د افغان پُست شرکت ودانیزې چارې لا هم دوام لري، د روژې مبارکې میاشتې په مناسبت، د دغه شرکت تازه جوړ شوی جومات د احمد وحید ویس له خوا د جماعت لمانځه له ادا کولو وروسته پرانیستل شو.
ښاغلي ویس د افغان پُست کارکوونکو ته په وینا کې، د رسول الله ص مبارک حدیث ، چې د الله د مخلوق په خدمت کې انسانان پکې غوره یاد شوی نقل کړ او زیاته یې کړه، هغه کارکوونکې چې په ټول اخلاص او رښتینولۍ د هېوادوالو په چوپړ کې دي، د الله په نزد د غوره مخلوقاتو له ډلې څخه شمېرل کیږي.
