افغان پُست شرکت هېوادوالو ته د آسانتیاوو برابرولو په موخه بېلابېل هوکړه لیکونه لاسلیک کړل!
افغان پُست امـارتي شرکت د بهرنیو چارو وزارت، پوهنې وزارت او احصایې او معلوماتو ملي ادارې سره د دوه اړخیزو همکاریو هوکړه لیکونه لاسلیک کړل.
چهار شبنه ۱۸ محرم الحرام ۱۴۴۶
د افغان پُست امــارتي شرکت له لورې هېوادوالو ته د آسانتیاوو برابرولو په موخه د بهرنیو چارو وزارت د ډیپلوماتیکو بستو د لېږد هوکړه لیک، د پوهنې وزارت د کابل ښار د پوهنې ریاست د زده کونکو او فارغینو د اسنادو د ترلاسه کولو، لېږد او وېش پروسه کې اسانتیا هوکړه لیک او د احصایې او معلوماتو ملي ادارې سره له کابل څخه ولایتونو ته د الکترونیکي پیژند پاڼو د لېږد هوکړه لیکونه لاسلیک شول.
په یاده غونډه کې د امـارتي شرکتونو د رهبرۍ پلاوي تر څنګ د کابینې غړو او د بېلا بېلو وزارتونو معینانو او رئیسانو ګډون کړی وو، چې د غونډې ویناوالو د افغان پُست امارتي شرکت کړنې وستایلي او په راتلونکې کې په چارو کې ورته د لا پرمختګ هېله وښودله.
او همدارنګه دغونډې ګډنوالو د افغان پُست امـ.ارتي شرکت له موزیم او مرکزي پُست خونې څخه هم لیدنه ترسره کړه .
