د افغان پُست دولتي شرکت له لوري په هرات ولایت کې د پُستي کوډونو ملی پروژه پرانېستل شوه!
د پُستي کوډونو ملی پروژه د هرات ولایت د محترم والی، د افغان پُست دولتي شرکت د لوی رئیس، د هرات ولایت د مخابراتو او معلوماتي ټکنالوجۍ محترم رئیس او د یاد ولایت د یو شمېر دولتي چارواکو په ګډون سره د یوې پرتمینې غونډې په ترڅ کې پرانېستل شوه.
د پُستي کوډونو ملي پروژه د هېواد د پلازمینې کابل ښار څخه پیل او د دغه ښار 22 ناحیي د پُستي کوډ تر پوښښ لاندې راوستل شوي، ټاکل شوې ده چې یاده پروژه به په لومړۍ پړاو کې د هېواد لوی ښارونه د پُستی کوډ تر پوښښ لاندې راولي او دویم پړاو کې به د هېواد د ولایتونو مرکزونو ته او پای کې به ټول هېواد ته پراختیا و مومي او د هېواد ټولې سیمې به د پُستي کوډونو د سېستم تر پوښښ لاندې راوستل شي.
