له (باختر افغان الوتنه) شرکت سره د دوه اړخیزو همکاریو هوکړه لاسلیک شوه!
د افغان پُست شرکت لوی رییس ښاغلي احمد وحید ویس، د دوه اړخیزو همکاریو پراختیا په موخه، د (باختر افغان الوتنه) هوایی شرکت له رییس ښاغلي احمد مسلم خرم سره وکتل.
په دغه کتنه کې دواړو لوریو د دوه اړخیزو همکاریو پراختیا په موخه، په نیږدې راتلونکې کې د دخیلو اړخونو په همغږۍ، د یو بل له اسانتیاوو څخه د ګټې اخیستنې په تړاو خبرې وکړې.
په ناسته کې ښاغلي ویس، د افغان پُست شرکت د تازه پیلېدونکو خدمتونو پیلېدو په تړاو خبري وکړې او زیاته یې کړه، د دغو خدمتونو په لړ کې باختر افغان شرکت کولای شي، په نیږدې راتلونکې کې د یوه هوکړه لیک پر اساس، له پُست خونو څخه د خپلو خدمتونو وړاندې کولو چارې تر سره کړي.
په ناسته کې ښاغلي خرم وویل، (باختر افغان الوتنه) شرکت کولای شي، د بازار موندنې، پُستي توکو د لېږد او کارګو خدمتونو په برخو کې افغان پُست شرکت اسانتیاوې برابرې کړي.
د ناستې په پای کې دواړو لوریو، د هېواد د ننه پُستي توکو د لېږد په برخه کې د ابتدايي همکاریو هوکړه لاسلیک کړه او په نیږدې راتلونکې کې د هر اړخیزو همکاریو یوې بلې هوکړې پر لاسلیکېدو هم ټینګار وشو.
